Kalaallit Nunaanni naammassinnittarneq qaffasinnerusoq

Nuna ilinniarfik malillugu naammassinnittarnermut procentit annertuumik assigiinngissuteqarput. Kalaallit Nunaanni ingerlariaqqiffiusumik ilinniarfinni naatsuni naammassinnittarnermut procenti Kalaallit Nunaata avataani ilinniakkanit marloriaammik qaffasinneruvoq. Kalaallit Nunaanni ingerlariaqqiffiusumik ilinniakkani naatsuni professionsbachelorinngorniarnernilu ilinniartut 79 procentit 69 procentillu naammassinnissimasut Kalaallit Nunaata avataani ilinniartut 35 procentii 30 procentiilu naammassinnissimapput. Akerlianik Kalaallit Nunaata avataani kandidatinngorniartut naammassinnittarnerat malunnartumik qaffasinneruvoq, Kalaallit Nunaata avataani ilinniartut 70 procentii naammassinnissimasut Kalaallit Nunaanni ilinniartut 29 procentii naammassinnissimammata.

 

Titartagaq 3. Ingerlariaqqiffiusumik ilinniarfinni ukiunik marlunnik sivisunerusumillu sivisussuseqartuni naammassinnittarnermut procenti, 2011-mi, 2012-imi 2013-imilu aallartittut nuna ilinniarfiat malillugu

Nalunaarut: Naammassinnittarnermut procenti ukiup pineqartup naanerani naatsorsorneqarpoq, ukiorlu siullermeerluni ilinniakkamik aallartitsivik ungaluuserlugu ilanngunneqarpoq; Ingerlariaqqiffiusumik ilinniakkat naatsut (2013), bachelorinngorniarnerit (2012), professionsbacheloringorniarnerit (2011), kandidatinngorniarnerit (2013). Ilinniakkat sivisussusilerneqarneri ukioq kaajallallugu naatsorsorneqarput.

Najoqqutaq: Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDDISC11L).